پاکستان نے بیلسٹک میزائل غزنوی کا کامیاب تجربہ کر لیا

تجربے کے دوران میزائل ویپن سسٹم کے تکنیکی پیرامیٹرز کو بھی جانچا گیا۔ پاک فوج کے شعبہ تعلقات عامہ نے مائیکروبلاگنگ ویب سائٹ ٹویٹر پر غزنوی میزائل کی ویڈیو بھی جاری کی

آرمی اسٹریٹجک فورسز کمانڈ کے کمانڈ لیفٹیننٹ جنرل محمد علی نے تجربے کا مشاہدہ کیا۔

اس موقع پر سائنسدان ، انجینئیرز اور دیگر حکام بھی موجود تھے۔

کمانڈر اے ایس ایف نے کامیاب تجربے پر سائنسدانوں اور انجینئیرز کو سراہا۔ جبکہ صدر مملکت ڈاکٹر عارف علوی ، وزیراعظم عمران خان اور عکسری قیادت نے بھی میزائل کے کامیاب تجربے پر سائنسدانوں اور انجینئیرز کو مبارکباد بھی دی۔ یاد رہے کہ رواں برس مارچ میں پاکستان شاہین ون اے بیلسٹک میزائل کا کامیاب تجربہ کیا تھا۔ شاہین ون اے زمین سے زمین تک مار کرنے کی بھرپور صلاحیت رکھتا ہے، شاہین ون اے900 کلومیٹر تک ہدف کو نشانہ بنا سکتا ہے۔

پاک فوج کے شعبہ تعلقات عامہ آئی ایس پی آر کے مطابق پاکستان نے زمین سے زمین تک مار کرنے والے شاہین ون اے بیلسٹک میزائل کا کامیاب تجربہ کرلیا ہے۔ بیلسٹک میزائل شاہین ون اے کا کامیاب فلائٹ ٹیسٹ کیا گیا، شاہین ون اے900 کلومیٹر تک ہدف کو نشانہ بنا سکتا ہے۔ شاہین ون اے زمین سے زمین تک مار کرنے کی بھرپور صلاحیت رکھتا ہے۔ اس موقع پر ڈی جی اسٹریٹجک پلان ڈویژن لیفٹیننٹ جنرل ندیم زکی منج نے مشاہدہ کیا تھا ۔

قبل ازیں فروری میں بھی پاکستان نے دفاعی میدان میں کامیابی حاصل کی۔ ڈی جی آئی ایس پی آر نے اپنے بیان میں بتایا کہ پاکستان نے کروز میزائل بابر کا کامیاب تجربہ کر لیا ہے۔ کروز میزائل بابر 450 کلو میٹر تک زمین اور سمندر میں ہدف کو نشانہ بنانے کی صلاحیت رکھتا ہے۔ ڈی جی آئی ایس پی آر کے بیان کے مطابق بابر کروز میزائل کا تجربہ ملٹی ٹیوب میزائل لانچ وہیکل کے ذریعے کیا گیا۔

چئیرمین نیسکام ڈاکٹر ثمر اس موقع پر موجود تھے۔ ڈی جی آئی ایس پی آر نے مزید بتایا کہ کمانڈر آرمی اسٹریٹجک فورس کمانڈ لیفٹننٹ جنرل محمد علی بھی اس موقع پر موجود تھے۔ رواں برس فروری کے آغاز پر ہی پاکستان نے بلیسٹک غزنوی میزائل کا کامیاب تجربہ بھی کیا تھا۔ اس حوالے سے بتایا گیا تھا کہ غزنوی میزائل 290 کلومیٹر تک زمین سے زمین تک مارکرے گا، بلیسٹک میزائل جوہری ہتھیار لے جانے کی صلاحیت رکھتا ہے۔