آپ صرف تب ہارتے ہیں جب آپ شکست تسلیم کرلیتے ہیں‘، وزیراعظم عمران خان کا نوجوانوں کو پیغام

تفصیلات کے مطابق وزیراعظم عمران خان نے اپنے ٹویٹر اکائونٹ پر ایک ویڈیو شیئر کی جس میں دیکھا جاسکتا ہے کہ ٹوکیو اولمپکس 2020ء میں خواتین کی 1500 میٹر ریس کے کوالیفائنگ رائونڈ میں ہالینڈ کی سیفان حسن اپنے سے آگے گرنے والی ایتھلیٹ سے ٹکرا کر گر گئیں ، اس موقع پر ایسا محسوس ہورہا تھا کہ سیفان حسن کا ٹوکیو اولمپکس میں سفر اختتام پذیر ہوچکا ہے تاہم انہوں نے شاندار ریکوری کے دوران تمام حریفوں کو پیچھے چھوڑتے ہوئے ریس اپنے نام کرلی ۔

عمران خان نے ویڈیو کے کیپشن میں لکھا کہ ’’میں چاہتا ہوں کہ پاکستان کے تمام نوجوان یہ ریس دیکھیں اور سب سے اہم سبق سیکھیں جو کھیلوں نے مجھے سکھایا کہ ’آپ صرف تبھی ہارتے ہیں جب آپ ہار مان لیتے ہیں‘‘۔